“Тошкент ирригация ва қишлоқ хўжалигини механизациялаш муҳандислари институти” миллий тадқиқот университети Айова штати университети, Шимолий Дакота штати университети ва Огаё штати университети (АҚШ), Ондокуз Майис университети ва Экологик қишлоқ хўжалигини ташкил этиш ассоциацияси (Туркия), Малайзия технологик университети (Малайзия), Ангел Кинчев номидаги Русен университети (Болгария), Бангладеш қишлоқ хўжалиги университети (Бангладеш), Сейфулин номидаги Қозоқ аграр-техника университети ва Жанубий Қозоғистон университети (Қозоғистон) олимлари билан ҳамкорликда 2023 йил 28-30 март кунлари «Агроинженерия ва яшил инфратузилма ечимлари (АЕGIS-2023)» ҳалқаро конференциясини ўтказади.

Конференция академик ва ишлаб чиқариш ҳамжамиятлари олдида турган янги муаммолар ва уларнинг ечимлари бўйича ўзаро фикр алмашиш, қишлоқ хўжалиги муҳандислиги соҳасидаги тадқиқотлар йўналиши ва “яшил” инфратузилма ечимларини муҳокама қилиш имконини тақдим этади. Конференцияда қатнашиш учун олий таълим муассасалари ўқитувчилари, тадқиқотчилар, илмий жамоа ва ишлаб чиқариш вакиллари таклиф этилади.

Конференция мақсади – қишлоқ хўжалиги, энергетика, нефт-газ, машинасозликдаги юқори технологияли механизациялашган, геокимёвий, геологик-геофизик ва интеллектуал технологиялар, табиий ресурслардан фойдаланиш ва муҳандислик, тупроққа ишлов бериш ва фойдали қазилмаларни қазиб олиш технологиялари ва техника воситалари ҳамда барқарор ривожланиш учун биохилма-хиллик ва уни сақлаш усулларини тадқиқ этишнинг замонавий йўналишлари, озиқ-овқат маҳсулотларини ишлаб чиқаришнинг атроф-муҳит ва озиқ-овқат технологияларининг барқарор тизимига таъсири, агроўрмончилик, экологик хавфсизлик, кўкаламзорлаштириш технологиялари ва табиий ресурслар бўйича соҳадаги етакчи мутахассислар билан тажриба алмашиш.

Ўтган йилларда ўтказилган АЕGIS-I 2021 ва АЕGIS-II 2022 конференциялари материаллари в IOP Conference Series: Earth and Environmental Science журналида чоп этилган ва Scopus базасида индексация қилинган:

AEGIS-I 2021 - Том 868

AEGIS-II 2022 - Том 1076